您现在的位置是:主页 > P生活篇 >PG Unicorn高达带你率先睇 >

PG Unicorn高达带你率先睇

时间:2020-06-08  阅读:374  点赞次数:693  
PG Unicorn高达带你率先睇

距离1/60 PG Unicorn高达正式发货的日子大约只有不到一星期,相信唔少已经订货嘅朋友都等得非常心急。咁啱呢两日Bandai香港收到来自日本嘅素组完成品,笔者梗係第一时间狗冲上佢哋Office同大家睇睇呢只独角兽有几正啦!

到达Bandai香港Office,相关同事已经準备好一只Unicorn Mode嘅Unicorn高达等住笔者,笔者第一个感觉係:「冇想像中咁大只啫…」因为Unicorn高达理应係最高大嘅MS之一,不过笔者忽然又想起,进入咗Destory Mode佢係会「增高」咗,所以都係唔好咁快下结论。癈话唔讲咁多住,不如大家一齐睇睇相:(留意以下只係素组效果,连线都未上)

PG Unicorn高达带你率先睇

◆ 由于未加任何贴纸/水印,全白色Unicorn Mode嘅Unicorn高达显得比较单调。不过由于够大只,塑胶原色其实已经可以显现唔错嘅立体感。

PG Unicorn高达带你率先睇

◆ 爆开成Destory Mode当然型咗好多,而且后方支架可以伸长并锁定,等佢企得稳稳阵阵。不过……好似仲係冇乜特别…

PG Unicorn高达带你率先睇

◆ 今次PG版其中一项令玩家惊喜嘅地方就係多咗一个「Destory Unchained」模式,基本上就係比Destory Mode再爆得劲啲!主要係将Destory Mode时爆得唔够劲嘅位置都爆开埋。(不过笔者觉得有少少神高达嘅影子)

PG Unicorn高达带你率先睇
◆ Destory Unchained模式中头顶部份也多了「两块」,但正面看会被两角完全遮挡。PG Unicorn高达带你率先睇
◆ 前臂多了「两瓣」变成好似有把弩咁,不过主要都係为咗显现更多红色部份。PG Unicorn高达带你率先睇
◆ 脚部两外侧都可以爆开,变成好似Double X同Shining Gundam咁。PG Unicorn高达带你率先睇
◆ 背包亦爆多少少,总之就係为咗更爆而更爆啦!

今次PG Unicorn高达另一个卖点就係拥有全身发光LED(另购),连眼部共有32个发光点。比较特别係其实呢啲LED本身係蓝光,但照到Unicorn高达身上透明部件就会分别发出绿光(眼部)同红光(其他透明红部份),今次终于真真正正可以将Unicorn高达特别精神感应效果重现大家眼前,所以除咗你极唔锺意用台座(因为电池设于台座)又或者只打算砌成Unicorn Mode,否则真係冇其他理由唔买埋呢套LED。

PG Unicorn高达带你率先睇
◆ 「电源」由台座连接到身体,所以一定要用台座先可以玩发光。不过笔者觉得连接位可以造好一啲,等用家可以更易装拆。PG Unicorn高达带你率先睇
◆ 竟然要用到4粒AA电,留意前方有个主开关拨杆同一个「发光掣」,要开左主开关再按一次发光掣先会着眼光,之后再按多下先会全身发光。

总结

请容许笔者先戴定头盔讲,今次呢个只係素组完成嘅作品,而且未付有任何武器,所以以下只係笔者初步感觉,只供大家作初步参考而未必完全可以作準。老实讲呢只PG最起初畀到笔者感觉只係单纯「MG放大版」,主要係因为刻纹冇特别多咗,全身亦冇太多明显精细化之处,不过对于要「爆开发光」嘅Unicorn高达来讲呢方面算係情有可原,毕竟「爆开」后如仍留有大量惨了灰色线的花纹,感觉反而有啲怪。笔者本来预期响呢只1/60大比例嘅模型上「变形」会有较多嘅连动(例如拉动一个部位就可以令整只手「爆开」),但实际係完全冇,基本上所有位置都需要人手逐个拉开,呢点真係令笔者有啲失望。

笔者以往一直都觉得大部份PG系列高达对脚都唔及MG版(同一高达计)咁修长,而且脚掌往往都造得较大(因为咁先企得稳),不过今次Unicorn高达身形比例造得非常好,可能一来本身设计已经好好,二来亦冇大型背包嘅负担。虽然前面笔者提到似乎唔太够精细,笔者觉得呢只Unicorn高达其实係「正在骨子里」。

首先笔者留意到白色外甲位置似乎唔太睇到有水口位(唔通预咗会出电镀色!?),不论对于爱素组嘅朋友定还是会加工上色嘅朋友都可以节省到好多工夫。另外唔可以唔提嘅当然係新增嘅「Destory Unchained」模式,虽然爆开咗呢个模式可以摆嘅甫士肯定少咗,但如果配合发光LED睇起来感觉就会比普通Destory Mode更加「耀眼」,老实讲如果冇呢个「Destory Unchained」模式,套LED发光感觉肯定失色不少。

今次Unicorn高达虽然本身定价并非PG中最高,但如果计埋套差不多可以话必买嘅LED就肯定係暂时最贵一只。至于你话抵唔抵买,笔者亲身玩过后觉得算係可以接受,不过暂时未知LED套件到时会唔会被炒起太多(笔者听闻好多舖都早已截订),如果你未订到,就真係要睇紧啲边日正式到货喇~

提外话:PG Unicorn Gundam专用FA套件已经于Premium Bandai Online Shop开始接受预订,最重要係套作内会附送一张同样由KATOKI HAJIME设计o既水贴,会同PG本体跟果张贴纸花纹唔同,大家可以订咗等埋先谂下用边张。

相关文章