您现在的位置是:主页 > L辉生活 >《或许 车路士只当年青球员是一盘生意》 >

《或许 车路士只当年青球员是一盘生意》

时间:2020-05-27  阅读:900  点赞次数:143  
《原创文章 欢迎转载 请列明出处 谢谢》-请支持蓝狮 Facebook专页-《或许 车路士只当年青球员是一盘生意》 按此观看图片 .图片来源 : Goal.com相信大家都唔会唔知道对上一个出自车路士青训体系而成功上到一队既球员,就只有前传奇队长泰利,而佢亦都喺岩岩季离开球队寻求正选机会。喺现今球坛下,各球会要培训自家青训球员成功晋身一队上阵,并唔係一件容易既事,但係睇落只係在乎你有冇心去搞。唔知睇开车路士一段日子既球迷仲记唔记得边个叫「小麦」麦伊治兰呢,佢可以话係蓝军进行改革前少有既青训产品,曾经被寄予厚望能为林佰特接班,最失当然亦失败告终。自车路士喺2012年勇夺欧冠盃后,油王艾巴莫域治似乎改变了车路士既定位,有意推动球队年轻化,接连收购夏萨特、迪布尼、古图尔斯等年青新一代进行改革,自此蓝军就往往喺转会窗收购一啲潜力新星放到青年梯队,按步就班一步步为一队注入活力。但近年车路士既动作似乎同当初外界所想像既有所不同,收购番黎既年青球员基本上唔会有晋身一队既机会,球员主要会被外借,较为幼嫩既会先借到同蓝军关系良好既荷甲球会维迪斯,而较成熟既就会喺德甲、意甲什至喺英超本土寻找球会作外借。然而经历过一季后,哩一班外借兵大部份都会被其它球会视为收购目标提出正式报价,而转会费亦会係当年车路士收购佢番黎既好几倍,同样事件唔单止发生在一个球员身上,而同样事件亦唔止只係发生在一个转会窗上。明显地车路士只係将年青球员视为一盘生意,青训系统就只係佢地既加工场,查路巴、艾基及苏兰基经已成为製成品卖往屈福特、般尼茅夫及利物浦,而路夫施捷克、梅桑达等都逃唔出被外借既命运。当然,基斯甸臣岩岩哩季既回归,无疑会比到一众被无限外借既年轻小将一个希望,或许会驱使佢地进步,用表现吸引车路士让他们晋身一队。但如果车路士高层继续以短线投资概念,不断套现出售有潜质既年轻球员,假以时日迪布尼、沙拉、卢卡古等例子就只会继续出现,长远黎睇放走年青球员只会係一盘无利可图既生意。哩一刻账面上赢左,但最终输家,亦会係车路士自己。文章最后更新时间 : 04/06/2018 16:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
相关文章